Mostrando entradas con la etiqueta PROIEKTUAK. Mostrar todas las entradas
Mostrando entradas con la etiqueta PROIEKTUAK. Mostrar todas las entradas

2022-07-19

mClon-UPA ROBOTA

 mClon-UPA, IES USANDIZAGA-PEÑAFLORIDA-AMARA BHIn, batxilergo Industria Teknologia ikasgaian erabiltzen dugun robota da. 


Robot hauen oinarrizko osagaiak hauek dira:

  • 3D inprimagailuan sortutako piezak.
  • Arduino UNO (edo bateragarria den) mikrokontrolagailua.
  • Fundumoto, motorrak kontrolatzeko plaka gehigarria (L298P-n oinarrituta)
  • Korronte zuzeneko 2 motor.
  • Infragorri 2 sentsore.
  • Ultrasoinu sentsore bat.
  • Elikatzeko 2 Litio-Ion bateria.

Honen inguruan sortu dugun dokumentazioa eta esperientziak webgune batean bildu dira: 

https://sites.google.com/upainstitutua.org/mclon-upa/sarrera


Robot hauek mClon proiektuan oinarrituta daude. Egileak María Loureiro ( @tecnoloxia ), Bernardo Álvarez ( @biober ) eta Miguel Gesteiro dira (lehenengo biak teknologia irakasleak galiziar institutuetan). mClon-i buruz gehiago jakiteko hurrengo estekak jarraitu:

2019-07-03

ESCORNABOT MUNTAIA

UPAn bi Escornabot muntatu ditugu. Lan horretan sortutako informazioa webgune batean zintzilikatu dugu: ESCORNABOT-UPA. 



ESCORNABOT Galizian sortutako robot bat da, ume txikienei robotika eta programazioa hurbiltzeko nahian. Bee-bot robot komertzialaren antza dauka baina sortzaileen hitzetan, honekin alderatuz hiru gauza ditu kontutan hartzekoak:
  • Norberak eraiki dezake.
  • Hardware ireki (OSHW) eta Software aske (FOSS) proiektu bat da.
  • Diru aldetik, komertzialak baino merkeagoa atera daiteke.
Nik beste bat gehituko nioke, proiektu honetan, lan egiteko eta lorpenak partekatzeko prest dagoen komunitate bat  aurkituko duzula:

2017-03-09

PC ELIKATZE ITURRIA LABORATEGIKO ITURRI BATEAN BIRZIKLATU

2. batxilergoan hasi dugun proiektua aurkezten da sarrera honetan. Botatzeko zeuden ordenagailu zahar batzuetatik ateratako elikatze iturriak, tailerrean egiten diren proiektu eta muntaiak elikatzeko berrerabili nahi ditugu. Interneten aurki daitezkeen tutorial eta adibideen artean helbide honetan dagoena aukeratu da: "Tu propia fuente de voltaje regulable"


Proiektua ikasleei aurkezteko ondoko fitxategia erabili da. Elikatze iturriari buruz irudi batzuk aurkitzen dira eta proiektuak izango dituen fase edo zatiak aurreikusten dira. (El archivo presentación en español: AQUÍ)



Talde bakoitzak egiten dituen aurrerapenak blog batean argitaratuko ditu. Ondoren blog-ak ikusteko estekak daude.

2013-04-27

HEGAZTIENTZAKO HABIAK

2.DBHko ikasleek eginiko proiektuen berri ematen dut oraingoan. Lan honen inguruan web-gune bat ere sortu da eginiko lanen berri eta nondik-norakoak azaltzeko. Guzti honen erruduna Asier Garcia, lankidea, izan da: HEGAZTIENTZAKO HABIAK
https://sites.google.com/site/hegaztientzakohabiak/home



2012-11-24

ETXEA DISEINATZEN

3.DBHko ikasleek diseinatu dituzten etxeak argitaratu dira teknolanak webgunean. Oso lan bikainak dira, eta  oso landuak daude. Floorplanner programarekin eginak daude. Diseinurik hoberena aukeratzeko zailtasun handiak ditugunez, laguntza eskatzen dugu sarrera honen bitartez. Talde bakoitzean eginiko lanak ikusi eta gero, zein den gehien gustatu zaizuna bozkatzeko aukera dago. Orain arte 3 taldeen lanak batu ditugu:





2012-02-15

MAKETA ESKALATUA

3.DBHn egin diren proiektuak aurkezten dira sarrera honetan. Maketa gehienak 1:250 eskalan eginak daude, material birziklatuak erabili dira eta DIN A-3 baten neurriak ditu oinarriak. Lehenengo irudian klikatuz proiektu bakoitzaren argazki eta talde bakoitzaren bideoa ikus eta jeitsi daiteke, bestean youtuben aurki daiteken bideoa da, non argazki eta bideoekin egina dagoen.


MAKETA ESKALATUA 11-12